Bragginn Yst, sem er af amerískri gerð var byggður árið 1964 sem útigöngufjárhús og hlaða og notaður sem slíkur þar til endurbygging hófst aldamótaárið 2000. Hann hefur staðist jarðskjálfta uppá amk 6,2 á Richter og fé sem þar gekk var að jafnaði hraust og þreifst vel.

Menntun

– University of Newcastle upon Tyne, U.K. Master of Fine Art. Tveggja ára heilsárs meistara-nám í fagurlist 2006-2008.
– Fjöldi námskeiða af veraldlegum, sálfræðilegum og listrænum toga.
– Myndlistarskólinn á Akureyri. Fornám, málun og lokapróf úr fagurlistadeild 1998-2002.
– Håkon Öen. Fjölskyldumeðferðarnám 1985-1988.
– Esra S. Pétursson. Sálkönnun 1981-1984.
– Göteborgs Universitet Sverige. M.Sc. í sálarfræði 1981.
– Háskóli Íslands. Heimspekileg forspjallsvísindi og sænska 1978.
– Háskóli Íslands. B.A. í sálarfræði og uppeldis- og kennslufræði til kennsluréttinda 1977.
– Roosvelt University, Chicago, USA. Computer Science 1972.
– MA-stúdent af náttúrufræðibraut 1971.

Störf

– Félagi í SÍM, starfar einvörðungu að list sinni, í stjórn Myndlistarfélagsins 2009-2010. Félagi í Myndhöggvarafélaginu í Reykjavík.

– Sálfræðingur við Dagvist barna í Reykjavík í fjögur ár, önnur fjögur sem fyrsti heilsugæslusálfræðingur landsins í Norður-Þingeyjarsýslu.
– Sveitarstjóri í Öxarfirði í áratug og sat í hreppsnefnd þrjú kjörtímabil.
– Þátttaka í stjórnum og nefndum af ýmsu tagi, bæði heima í héraði, í landshlutanum og á landsvísu.
– Varaþingmaður eitt kjörtímabil með örsetu á þingi, flutti þingsályktunartillögu um úrbætur í vegamálum og sótti FAO ráðstefnu til Hollands um “Konur í dreifbýli” fyrir Íslands hönd.
– Frábitin flokkspólitík, óflokksbundin en fylgist með þjóðmálum og heimsmálum eins og fugl á flugi. Steypi mér niður í frjálsu falli, þegar svo ber undir og segi mína skoðun „í verki“.

– Þjónustu- og iðnaðarstörf frá 12 ára aldri og síðar kennsla og uppeldisstörf með náminu.

Sýningar:

Einkasýningar:

Nýr vinkill Braggasýning 2016

Beggja skauta byr Braggasýning á sólstöðum 2015 – tilnefnd til Eyrarrósarinnar 2015

Samsýningar:

Þitt er valið – eða? Björgum jörðinni Verksmiðjan Hjalteyri í júní 2015

Móðirin Í tilefni 100 ára afmælis kosningaréttar kvenna á Íslandi. Safnahúsið á Húsavík, september – desemberloka 2015

Menningarstyrkir:

Uppbyggingarsjóður Norðurlands eystra 2015

Tilnefning til Eyrarrósarinnar 2015

Uppbyggingarsjóður Norðurlands styrkti sýninguna; beggja skauta byr 2015

——————-

Ingunn Stefánía Svavarsdóttir er elst fjögurra systra frá Egilsstöðum, fædd 23. janúar 1951.

Gift Sigurði Halldórssyni, lækni og saman eigum við þrjú uppkomin börn; Kristbjörgu bæklunarskurðlækni og áhugaljósmyndara, eiginmaður hennar er Magnus Johansson rafmagnsverkfræðingur, dóttir þeirra Ingunn Magnúsdóttir og sonur Einar Magnússon. Kristveigu söngkonu og skipulagsverkfræðing, sambýlismaður hennar er Johan Westergård tölvunarfræðingur og stangveiðimaður. Halldór Svavar sjúkraþjálfara og veiðimann, börn hans Emilía og Sigurður.